Նորություններ Archive | Pink Armenia https://pinkarmenia.org/news-events/ Human Rights Defender NGO in Armenia Mon, 31 Aug 2026 09:43:21 +0000 hy-AM hourly 1 https://wordpress.org/?v=7.1 https://pinkarmenia.org/wp-content/uploads/2024/01/cropped-sq-png-1-32x32.png Նորություններ Archive | Pink Armenia https://pinkarmenia.org/news-events/ 32 32 Լրամփոփ | օգոստոս 2026 https://pinkarmenia.org/news-events/recap-08-26/?utm_source=rss&utm_medium=rss&utm_campaign=recap-08-26 Mon, 31 Aug 2026 09:30:33 +0000 https://pinkarmenia.org/?post_type=news_events&p=8189 ԼԳԲՏ+ անձանց մարդու իրավունքների պաշտպանության ազգային օր Օգոստոսի 3-ը ԼԳԲՏ+ անձանց մարդու իրավունքների պաշտպանության ազգային օրն է։ Այս օրը կապված է 2018 թվականի օգոստոսի 3-ին Սյունիքի մարզի Շուռնուխ գյուղում 9 երիտասարդների, այդ թվում՝ ԼԳԲՏ+ ակտիվիստների նկատմամբ տեղի ունեցած բռնության հետ։ Դեպքից անցել է ութ տարի, սակայն գործի քննությունը մինչ օրս չի ավարտվել, իսկ դատարանները բազմիցս […]

The post Լրամփոփ | օգոստոս 2026 appeared first on Pink Armenia.

]]>

ԼԳԲՏ+ անձանց մարդու իրավունքների պաշտպանության ազգային օր

Օգոստոսի 3-ը ԼԳԲՏ+ անձանց մարդու իրավունքների պաշտպանության ազգային օրն է։ Այս օրը կապված է 2018 թվականի օգոստոսի 3-ին Սյունիքի մարզի Շուռնուխ գյուղում 9 երիտասարդների, այդ թվում՝ ԼԳԲՏ+ ակտիվիստների նկատմամբ տեղի ունեցած բռնության հետ։

Դեպքից անցել է ութ տարի, սակայն գործի քննությունը մինչ օրս չի ավարտվել, իսկ դատարանները բազմիցս արձանագրել են, որ պատշաճ կերպով չի գնահատվել բռնության հնարավոր խտրական և ատելության շարժառիթը։

Շուռնուխի գործը ևս մեկ անգամ ընդգծում է Հայաստանում ԼԳԲՏ+ անձանց իրավական պաշտպանության բացերը և արդյունավետ, հավասար ու խտրականությունից զերծ արդարադատության անհրաժեշտությունը։ Այս օրը հիշելու, բարձրաձայնելու և պահանջելու օր է՝ պահանջելու, որ մարդու իրավունքների պաշտպանությունը լինի ոչ թե ձևական, այլ իրական և հավասարապես հասանելի բոլորին։

«Ես իմ քվիր Հայաստանի…» ստեղծագործական մրցույթի արդյունքները

Այս ամիս հայտնի դարձավ «Ես իմ քվիր Հայաստանի…» ստեղծագործական մրցույթի հաղթողների աշխատանքները։

CIVICUS-ի հարցազրույցը Հռիփսիմե Կիզոգյանի հետ

CIVICUS-ը հրապարակել է հոդված՝ Հայաստանում ԼԳԲՏ+ անձանց դեմ ապատեղեկատվական արշավների, հակա-ԼԳԲՏ+ և հակաժողովրդավարական քարոզների մասին:

Փինքից՝ Հռիփսիմե Կիզոգյանը ներկայացնում է տարածվող կեղծ տեղեկությունների ազդեցության, դրանց քաղաքական նպատակների և ապատեղեկատվության դեմ պայքարի կարևորության մասին:

Ամոբղջական հոդվածը

The Frontline պոդքասթ

The Frontline պոդքաստի շրջանակում Հռիփսիմե Կիզոգյանը պատմում է, թե ինչպես են հակա-ԼԳԲՏ խոսույթները ավելի ու ավելի հաճախ օգտագործվում հակաժողովրդավարական քաղաքականությունը խթանելու և հիմնարար ազատությունները սահմանափակելու համար։

Ամբողջական թողարկումը լսելու համար ձեր նախընտրած հարթակում որոնեք` «The Frontline»

ՓԻՆՔ չատ-բոտ

Փինքի կամավորներից մեկը պատրաստել է չատ-բոտ տելեգրամյան հարթակում։

Այն պատրաստված է մեզ հաճախ տրվող հարցերի շուրջ և հասանելի է երեք լեզվով։

Գրիր՝ չատ-բոթին

The post Լրամփոփ | օգոստոս 2026 appeared first on Pink Armenia.

]]> 2026թ-ի առաջին կիսամյակում արձանագրված իրավախախտումների ամփոփ նկարագիր https://pinkarmenia.org/news-events/ummary-of-human-rights-violations-documented-during-the-first-half-of-2026/?utm_source=rss&utm_medium=rss&utm_campaign=ummary-of-human-rights-violations-documented-during-the-first-half-of-2026 Sat, 15 Aug 2026 12:52:15 +0000 https://pinkarmenia.org/?post_type=news_events&p=8171 «Փինք» իրավապաշտպան հասարակական կազմակերպությունը 2026թ-ի ընթացքում շարունակել է ԼԳԲՏ+ անձանց տրամադրել իրավաբանական, փաստաբանական, սոցիալական աշխատողի, հոգեբանական խորհրդատվություն և աջակցություն։ 2026 թվականի հունվարից հուլիս ամիսների ընթացքում կազմակերպության մասնագետների կողմից տրամադրվել է 507 հոգեբանական, 221 սոցիալական աշխատողի և 248 իրավաբանական խորհրդատվություններ։ Կազմակերպությունը նաև ստացել է 580 թեժ գծի զանգեր։ Այս հոդվածում ամփոփ ներկայացված է տարվա առաջին վեց […]

The post 2026թ-ի առաջին կիսամյակում արձանագրված իրավախախտումների ամփոփ նկարագիր appeared first on Pink Armenia.

]]>

«Փինք» իրավապաշտպան հասարակական կազմակերպությունը 2026թ-ի ընթացքում շարունակել է ԼԳԲՏ+ անձանց տրամադրել իրավաբանական, փաստաբանական, սոցիալական աշխատողի, հոգեբանական խորհրդատվություն և աջակցություն։ 2026 թվականի հունվարից հուլիս ամիսների ընթացքում կազմակերպության մասնագետների կողմից տրամադրվել է 507 հոգեբանական, 221 սոցիալական աշխատողի և 248 իրավաբանական խորհրդատվություններ։ Կազմակերպությունը նաև ստացել է 580 թեժ գծի զանգեր։ Այս հոդվածում ամփոփ ներկայացված է տարվա առաջին վեց ամիսների ընթացքում իրավաբանական և սոցիալական աշխատողների խորհրդատվությունների ընթացքում դուրս բերված իրավախախտումների բնույթը։ 

Այսպիսով, կազմակերպության իրավաբանների և սոցիալական աշխատողների կողմից տրամադրվել է 469 խորհրդատվություններ,  որոնցից փաստագրվել է 32 իրավախախտման դեպք։ Դեպքերի մեծ մասը մեկ իրավախախտմամբ չի սահմանափակվում․ ԼԳԲՏ+ անձանց նկատմամբ խնդիրները հաճախ սկսվում են որպես բուլինգ, հոգեբանական ճնշում, չընդունվածություն կամ խտրական վերաբերմունք, սակայն որոշ դեպքերում վերաճում են ավելի ծանր դրսևորումների՝ սպառնալիքի, շորթում, ֆիզիկական կամ սեռական բռնության։ 

Չնայած նրան, որ իրավախախտման բազմակողմանի բնույթը թերևս չի սահմանափակում դրանք մեկ իրավունքի խախտման շրջանակում, գերակշռում են սպառնալիքի ու հոգեբանական ճնշման դեպքերը։ Շատ դեպքերում տուժողին սպառնում են սպանությամբ, ծեծով, հետապնդմամբ, ընտանիքում կամ աշխատավայրում նրա սեռական կողմնորոշումը բացահայտելով կամ «պատժելով» նրա ինքնության համար։ 

Երբեմն սեռական կողմնորոշումը օգտագործվում է որպես շորթման գործիք, ինչպես բազմիցս արձանագրվել է նախորդ տարիներին ևս։ Այսինքն, հանցավորը սպառնում է բացահայտել անձի սեռական կողմնորոշումը, եթե վերջինս չկատարի իր պահանջը։ 

Երկրորդ խոշոր խումբը ֆիզիկական բռնությունն է․ արձանագրվել են ծեծի, խմբային հարձակման, առարկաների կիրառմամբ հարվածների դեպքեր։  

Ինչպես նախկինում, այս տարի ևս գերակշռող իրավախախտումների խումբ են ընտանեկան բռնության դեպքերը։ Դրանք ներառում են ֆիզիկական բռնություն, ազատության սահմանափակում, սպառնալիք, հոգեբանական ճնշում, տնից վտարման սպառնալիք և կոնվերսիոն «թերապիայի» պարտադրանք, ինչը, ինչպես հետազոտությունները ցույց են տալիս, կարող է իր ծանրությամբ հասնել անմարդկային, արժանապատվությունը նվաստացնող վերաբերմունքի։ 

Հանցավորի ատելության շարժառիթը հաճախ ակնհայտ է արտահայտություններում, երբ շեշտվում է, որ, օրինակ՝ «նման մարդիկ» իրավունք չունեն ապրել կամ գտնվել տվյալ վայրում, պետք է «վերացվեն», «ուղղվեն» կամ «փոխեն» իրենց ինքնությունը։   

32 դեպքերից միայն 5-ում է տուժողը դիմել իրավապահ մարմիններին։ 

Եվս մեկ դեպք տեղի է ունեցել Ռուսաստանի Դաշնությունում, այնուհետև հետապնդումը շարունակվել է Հայաստանում, այդ իսկ պատճառով տեղ է գտել արձանագրված դեպքերի հաշվարկում, սակայն իրավապահներին տուժողը Ռուսաստանում է դիմել։  

Այսպիսով, Հայաստանում իրավապահներին դիմած 5 դեպքերից էլ պատկերը միանշանակ դրական չէ. 

  • 1-ին դեպք՝ բազմաթիվ ահազանգերից հետո սկզբնական փուլում ընթացք չի տրվել։  
  • 2-րդ դեպք՝ քննչական մարմինը վարույթ չի հարուցել, և միայն դատարանի միջամտությունից հետո է պարտավորվել նախաձեռնել քրեական վարույթ։  
  • 3-րդ դեպք՝ ոստիկանություն զանգահարելուց հետո դեպքի վայր հասնելը զգալիորեն ուշացել է, իսկ քննիչը տուժողներին կանչել է միայն 5 օր անց։  
  • 4-րդ դեպք՝ հաղորդումը ընդունվել է, սակայն տուժողը նկարագրում է խտրական վերաբերմունք, կրկնազոհացում և բռնության արդարացման փորձեր։  
  • 5-րդ դեպք՝ ոստիկանությունը ոչ աջակցող վերաբերմունք է ցուցաբերել, հաղորդման ընթացքի վերաբերյալ տեղեկություն չկա։  

Այսպիսով, իրավական պաշտպանության միջոցներին չդիմելու խնդիրը շարունակում է մտահոգիչ մնալ նաև 2026թ․-ի առաջին կիսամյակում։ 

Չդիմելու պատճառները բավական կրկնվող և համակարգային են. 

  1. Ոստիկանության նկատմամբ անվստահություն՝ ամենահաճախ նշվող պատճառներից մեկը։  
  1. Վախ, որ իրավապահների միջոցով կբացահայտվի սեռական կողմնորոշումը կամ գենդերային ինքնությունը։  
  1. Խտրական կամ նվաստացուցիչ վերաբերմունքի ենթարկվելու վախ։  
  1. Ընտանիքի կողմից հետագա բռնության վախ, հատկապես անչափահասների դեպքում։  
  1. Փոքր համայնքում/քաղաքում գաղտնիության պահպանման անհնարինության մտավախություն։  

Որոշ դեպքերում տուժողը փորձում է խնդիրը լուծել այլ ճանապարհով՝ պարզապես հեռանալով վտանգավոր միջավայրից։  

Այս պատճառով իրավապահներին չդիմելու բարձր ցուցանիշը պարտադիր չի նշանակում, որ դեպքերը քիչ են կամ դրանց բնույթը թեթև է։ Ընդհակառակը՝ նկարագրությունները ցույց են տալիս, որ վախը, խարանը և համակարգի նկատմամբ անվստահությունը կարող են էականորեն նվազեցնել հանցագործությունների պաշտոնական հաղորդման մակարդակը։ 

Սոցիալական աշխատողի կողմից արձանագրված դեպքերը ցույց են տալիս մեկ այլ մտահոգիչ պատկեր, երբ տուժողները անգամ իրավաբանական խորհրդատվության դիմելու ցանկություն չունեն։ Դրանցում հատկապես տեսանելի են այնպիսի իրավիճակներ, որոնք կարող են չհասնել քրեական արդարադատության համակարգ, ինչպես, օրինակ՝ աշխատավայրում և համալսարանում բուլինգ, ընտանիքի կողմից չընդունվածություն, հոգեբանական ճնշում և սոցիալական միջավայրում նվաստացում։ Հետևաբար միայն ոստիկանություն կամ քննչական մարմիններին հաղորդված դեպքերի հիման վրա ԼԳԲՏ+ անձանց նկատմամբ իրավախախտումների իրական ծավալը գնահատելը կարող է էականորեն թերագնահատել խնդրի մասշտաբը։ 

The post 2026թ-ի առաջին կիսամյակում արձանագրված իրավախախտումների ամփոփ նկարագիր appeared first on Pink Armenia.

]]> Լրամփոփ | հուլիս 2026 https://pinkarmenia.org/news-events/%d5%ac%d6%80%d5%a1%d5%b4%d6%83%d5%b8%d6%83-%d5%b0%d5%b8%d6%82%d5%ac%d5%ab%d5%bd-2026/?utm_source=rss&utm_medium=rss&utm_campaign=%25d5%25ac%25d6%2580%25d5%25a1%25d5%25b4%25d6%2583%25d5%25b8%25d6%2583-%25d5%25b0%25d5%25b8%25d6%2582%25d5%25ac%25d5%25ab%25d5%25bd-2026 Wed, 29 Jul 2026 08:45:02 +0000 https://pinkarmenia.org/?post_type=news_events&p=8156 Փորձի փոխանակման երկօրյա աշխատաժողով Gay Alliance Ukraine-ի հետ Հուլիսի 1-ին և 2-ին մեր գործընկեր և Արևելյան Եվրոպայում ԼԳԲՏ+ հավասարության կոալիցիայի անդամ՝ Gay Alliance Ukraine-ի հետ անցկացրինք փորձի փոխանակման երկօրյա աշխատաժողով։ Քննարկեցինք տարածաշրջանային համերաշխությունը, Հայաստանի իրավական դաշտը, սոցիալական աշխատանքը, համայնքների զարգացումը և միջսահմանային շահերի պաշտպանությունը։ Այս համագործակցությունը ևս մեկ քայլ է՝ միասին մարդու իրավունքների և ԼԳԲՏ+ հավասարության […]

The post Լրամփոփ | հուլիս 2026 appeared first on Pink Armenia.

]]>



Փորձի փոխանակման երկօրյա աշխատաժողով Gay Alliance Ukraine-ի հետ

Հուլիսի 1-ին և 2-ին մեր գործընկեր և Արևելյան Եվրոպայում ԼԳԲՏ+ հավասարության կոալիցիայի անդամ՝ Gay Alliance Ukraine-ի հետ անցկացրինք փորձի փոխանակման երկօրյա աշխատաժողով։

Քննարկեցինք տարածաշրջանային համերաշխությունը, Հայաստանի իրավական դաշտը, սոցիալական աշխատանքը, համայնքների զարգացումը և միջսահմանային շահերի պաշտպանությունը։ Այս համագործակցությունը ևս մեկ քայլ է՝ միասին մարդու իրավունքների և ԼԳԲՏ+ հավասարության համար պայքարելու ճանապարհին։

«Քվիր Քաղաքացի» հանդիպումների վերջնաբանը

Հուլիսի 3-ին ամփոփեցինք «Քվիր քաղաքացու» հանդիպումների հերթական շարքը, որի շրջանակում փետրվարից հուլիս անցկացվել է 12 հանդիպում՝ նվիրված ժողովրդավարությանը, ընտրություններին մասնակցությանը, ԼԳԲՏ+ մարդու իրավունքներին, մեդիա մանիպուլյացիաներին և դրանց ազդեցությանը։

Հանդիպումների ընթացքում մասնակիցները քննարկել են քաղաքական ուժերի դիրքորոշումները ԼԳԲՏ+ մարդու իրավունքների վերաբերյալ, վերլուծել մեդիա մանիպուլյացիաները և ընտրություններից հետո անդրադարձել հետագա քայլերին։ Հանդիպումների ավարտին մասնակիցներին նվիրել ենք Թիմոթի Սնայդերի «Բռնապետության մասին» գիրքը՝ որպես քաղաքացիական և քաղաքական գործընթացներում կողմնորոշվելու օգտակար ուղեցույց։

Երկօրյա մարզային պլանավորում. «Մերոնցով» ֆորումի շարունակությունը

Հուլիսի 11-12-ը Փինք իրավապաշտպան ՀԿ-ն կազմակերպեց երկօրյա հանդիպում, որը համախմբեց Հայաստանի տարբեր մարզերից ժամանած 25 ԼԳԲՏ+ մասնակցի։

Հանդիպման նպատակն էր ստեղծել անվտանգ տարածք՝ մարզերում ապրող ԼԳԲՏ+ անձանց համար՝ միասին քննարկելու իրենց համայնքներում առկա մարտահրավերները, բացահայտելու առկա ռեսուրսներն ու պատկերացնելու այնպիսի համայնքներ, որտեղ յուրաքանչյուր մարդ կարող է ապրել անվտանգ, տեսանելի և արժանապատիվ կյանքով։

Փինքի կիսամյակային ռազմավարական պլանավորում

Հուլիսին տեղի ունեցավ Փինքի կիսամյակային ռազմավարական պլանավորման և գնահատման հանդիպումը՝ վերանայելու իրականացված աշխատանքը, ամփոփելու ձեռքբերումներն ու մարտահրավերները և նախանշելու առաջիկա ռազմավարական ուղղությունները։
Հանդիպման ընթացքում անդրադարձանք նաև թիմային համագործակցությանը, ասերտիվ հաղորդակցման հմտությունների զարգացմանը և ինքնախնամքի կարևորությանը՝ որպես առողջ և աջակցող աշխատանքային միջավայրի կարևոր բաղադրիչների։

The post Լրամփոփ | հուլիս 2026 appeared first on Pink Armenia.

]]> Երկօրյա մարզային պլանավորում. «Մերոնցով» ֆորումի շարունակությունը https://pinkarmenia.org/news-events/%d5%a5%d6%80%d5%af%d6%85%d6%80%d5%b5%d5%a1-%d5%b4%d5%a1%d6%80%d5%a6%d5%a1%d5%b5%d5%ab%d5%b6-%d5%ba%d5%ac%d5%a1%d5%b6%d5%a1%d5%be%d5%b8%d6%80%d5%b8%d6%82%d5%b4-%d5%b4%d5%a5%d6%80%d5%b8%d5%b6/?utm_source=rss&utm_medium=rss&utm_campaign=%25d5%25a5%25d6%2580%25d5%25af%25d6%2585%25d6%2580%25d5%25b5%25d5%25a1-%25d5%25b4%25d5%25a1%25d6%2580%25d5%25a6%25d5%25a1%25d5%25b5%25d5%25ab%25d5%25b6-%25d5%25ba%25d5%25ac%25d5%25a1%25d5%25b6%25d5%25a1%25d5%25be%25d5%25b8%25d6%2580%25d5%25b8%25d6%2582%25d5%25b4-%25d5%25b4%25d5%25a5%25d6%2580%25d5%25b8%25d5%25b6 Mon, 13 Jul 2026 18:46:04 +0000 https://pinkarmenia.org/?post_type=news_events&p=8055 Հուլիսի 11-12-ը Փինք իրավապաշտպան ՀԿ-ն կազմակերպեց երկօրյա հանդիպում, որը համախմբեց Հայաստանի տարբեր մարզերից ժամանած 25 ԼԳԲՏ+ մասնակցի։ Հանդիպման նպատակն էր ստեղծել անվտանգ տարածք՝ մարզերում ապրող ԼԳԲՏ+ անձանց համար՝ միասին քննարկելու իրենց համայնքներում առկա մարտահրավերները, բացահայտելու առկա ռեսուրսներն ու պատկերացնելու այնպիսի համայնքներ, որտեղ յուրաքանչյուր մարդ կարող է ապրել անվտանգ, տեսանելի և արժանապատիվ կյանքով։ Առաջին օրը մասնակիցները […]

The post Երկօրյա մարզային պլանավորում. «Մերոնցով» ֆորումի շարունակությունը appeared first on Pink Armenia.

]]>

Հուլիսի 11-12-ը Փինք իրավապաշտպան ՀԿ-ն կազմակերպեց երկօրյա հանդիպում, որը համախմբեց Հայաստանի տարբեր մարզերից ժամանած 25 ԼԳԲՏ+ մասնակցի։

Հանդիպման նպատակն էր ստեղծել անվտանգ տարածք՝ մարզերում ապրող ԼԳԲՏ+ անձանց համար՝ միասին քննարկելու իրենց համայնքներում առկա մարտահրավերները, բացահայտելու առկա ռեսուրսներն ու պատկերացնելու այնպիսի համայնքներ, որտեղ յուրաքանչյուր մարդ կարող է ապրել անվտանգ, տեսանելի և արժանապատիվ կյանքով։

Առաջին օրը մասնակիցները միմյանց ճանաչեցին, ծանոթացան աշխատարանի նպատակներին և ձևավորեցին խմբային աշխատանքի կանոնները։

Այնուհետև խմբային քննարկումների միջոցով ներկայացրին իրենց համայնքներում առկա փորձառությունները՝ առանձնացնելով այն խոչընդոտներն ու սահմանափակումները, որոնց բախվում են ԼԳԲՏ+ անձինք և այլ խոցելի խմբերը։

Քարտեզագրվեցին սոցիալական և հասարակական կյանքին մասնակցության հիմնական մարտահրավերները՝ հնարավորություն տալով մասնակիցներին տեսնել ինչպես ընդհանուր խնդիրները, այնպես էլ յուրաքանչյուր համայնքի առանձնահատկությունները։

Օրվա երկրորդ հատվածում ուշադրությունը տեղափոխվեց հնարավորությունների վրա։

Խմբերով աշխատելով՝ մասնակիցները քարտեզագրեցին իրենց համայնքներում առկա ռեսուրսները, համագործակցության հնարավորությունները, ինչպես նաև այն կազմակերպություններն ու նախաձեռնությունները, որոնց հետ հնարավոր է համատեղ աշխատանք ծավալել։

Այնուհետև յուրաքանչյուր խումբ ստեղծեց իր երազանքի տեսլականը՝ պատկերելով միջավայր, որտեղ գործում են անվտանգ և ներառական տարածքներ, հասանելի են անհրաժեշտ ռեսուրսները, իսկ համագործակցությունը համայնքային տարբեր դերակատարների միջև նպաստում է ԼԳԲՏ+ մարդկանց լիարժեք մասնակցությանը։

Երկրորդ օրը նվիրված էր այդ գաղափարների զարգացմանն ու գործնականացմանը։

Մասնակիցները ներկայացրին իրենց մշակած համայնքային տեսլականները, քննարկեցին դրանց իրականացման հնարավոր քայլերը և փորձի փոխանակման միջոցով ձևավորեցին նոր գաղափարներ՝ հետագայում իրենց համայնքներում կիրառելու համար։

Ծրագրի կարևոր բաղադրիչ էին նաև ոչ ֆորմալ ժամանցային ակտիվությունները, որոնք նպաստեցին մասնակիցների միջև վստահության ձևավորմանը, նոր ծանոթությունների ստեղծմանը և համայնքային կապերի ամրապնդմանը։

Նման հանդիպումները հատկապես կարևոր են մարզերում բնակվող ԼԳԲՏ+ անձանց համար, քանի որ հնարավորություն են տալիս զգալ համայնքի աջակցությունը, կիսվել փորձով և միասին պատկերացնել ու կառուցել ավելի ներառական և անվտանգ համայնքներ։

The post Երկօրյա մարզային պլանավորում. «Մերոնցով» ֆորումի շարունակությունը appeared first on Pink Armenia.

]]> Քվիրատոն․ Համայնքային կապերի և փորձի փոխանակման օր https://pinkarmenia.org/news-events/%d6%84%d5%be%d5%ab%d6%80%d5%a1%d5%bf%d5%b8%d5%b6%e2%80%a4-%d5%b0%d5%a1%d5%b4%d5%a1%d5%b5%d5%b6%d6%84%d5%a1%d5%b5%d5%ab%d5%b6-%d5%af%d5%a1%d5%ba%d5%a5%d6%80%d5%ab-%d6%87-%d6%83%d5%b8%d6%80%d5%b1%d5%ab/?utm_source=rss&utm_medium=rss&utm_campaign=%25d6%2584%25d5%25be%25d5%25ab%25d6%2580%25d5%25a1%25d5%25bf%25d5%25b8%25d5%25b6%25e2%2580%25a4-%25d5%25b0%25d5%25a1%25d5%25b4%25d5%25a1%25d5%25b5%25d5%25b6%25d6%2584%25d5%25a1%25d5%25b5%25d5%25ab%25d5%25b6-%25d5%25af%25d5%25a1%25d5%25ba%25d5%25a5%25d6%2580%25d5%25ab-%25d6%2587-%25d6%2583%25d5%25b8%25d6%2580%25d5%25b1%25d5%25ab Fri, 03 Jul 2026 05:55:12 +0000 https://pinkarmenia.org/?post_type=news_events&p=8019 Հունիսի 30-ին տեղի ունեցավ Քվիրատոնը, որը համախմբեց ԼԳԲՏ+ մասնակիցների Հայաստանի տարբեր մարզերից։ Հանդիպումը հնարավորություն էր միմյանց ճանաչելու, փորձառություններով և մտահոգություններով կիսվելու, ինչպես նաև տարբեր համայնքներում առկա իրողություններն ու մարտահրավերները քննարկելու։ Օրվա ընթացքում մասնակիցները ներգրավվեցին քվիր մշակույթին նվիրված տարբեր նախաձեռնություններում՝ անցկացնելով ժամանակ անվտանգ, ընդունող և փոխադարձ հարգանքի վրա հիմնված միջավայրում։ Այսպիսի հանդիպումները նպաստում են համայնքային կապերի […]

The post Քվիրատոն․ Համայնքային կապերի և փորձի փոխանակման օր appeared first on Pink Armenia.

]]> Հունիսի 30-ին տեղի ունեցավ Քվիրատոնը, որը համախմբեց ԼԳԲՏ+ մասնակիցների Հայաստանի տարբեր մարզերից։

Հանդիպումը հնարավորություն էր միմյանց ճանաչելու, փորձառություններով և մտահոգություններով կիսվելու, ինչպես նաև տարբեր համայնքներում առկա իրողություններն ու մարտահրավերները քննարկելու։

Օրվա ընթացքում մասնակիցները ներգրավվեցին քվիր մշակույթին նվիրված տարբեր նախաձեռնություններում՝ անցկացնելով ժամանակ անվտանգ, ընդունող և փոխադարձ հարգանքի վրա հիմնված միջավայրում։

Այսպիսի հանդիպումները նպաստում են համայնքային կապերի ամրապնդմանը, փոխաջակցությանը և առավել ներառական ու հասանելի համայնքների ձևավորմանը։

The post Քվիրատոն․ Համայնքային կապերի և փորձի փոխանակման օր appeared first on Pink Armenia.

]]> Հպարտության ճամբար 6. «Ես եմ» https://pinkarmenia.org/news-events/%d5%b0%d5%ba%d5%a1%d6%80%d5%bf%d5%b8%d6%82%d5%a9%d5%b5%d5%a1%d5%b6-%d5%b3%d5%a1%d5%b4%d5%a2%d5%a1%d6%80-6-%d5%a5%d5%bd-%d5%a5%d5%b4/?utm_source=rss&utm_medium=rss&utm_campaign=%25d5%25b0%25d5%25ba%25d5%25a1%25d6%2580%25d5%25bf%25d5%25b8%25d6%2582%25d5%25a9%25d5%25b5%25d5%25a1%25d5%25b6-%25d5%25b3%25d5%25a1%25d5%25b4%25d5%25a2%25d5%25a1%25d6%2580-6-%25d5%25a5%25d5%25bd-%25d5%25a5%25d5%25b4 Thu, 02 Jul 2026 07:37:34 +0000 https://pinkarmenia.org/?post_type=news_events&p=8014 Հունիսի 26-28-ը տեղի ունեցավ Հպարտության ամսվա ամենամյա ամփոփիչ միջոցառումը՝ Հպարտության ճամբարը, որը կազմակերպվեց բնությանը մոտ, անվտանգ և հարմարավետ միջավայրում։ 6-րդ հպարտության ճամբարի խորագիրն էր՝ «Ես եմ» և նվիրված էր քվիր ինքնության, ինքնաճանաչման, անձնական աճի և համայնքային կապերի ամրապնդման թեմաներին։ Ճամբարի նպատակն էր ստեղծել մի տարածք, որտեղ մասնակիցները կարող էին ավելի լավ ճանաչել իրենց, կիսվել իրենց […]

The post Հպարտության ճամբար 6. «Ես եմ» appeared first on Pink Armenia.

]]>

Հունիսի 26-28-ը տեղի ունեցավ Հպարտության ամսվա ամենամյա ամփոփիչ միջոցառումը՝ Հպարտության ճամբարը, որը կազմակերպվեց բնությանը մոտ, անվտանգ և հարմարավետ միջավայրում։

6-րդ հպարտության ճամբարի խորագիրն էր՝ «Ես եմ» և նվիրված էր քվիր ինքնության, ինքնաճանաչման, անձնական աճի և համայնքային կապերի ամրապնդման թեմաներին։

Ճամբարի նպատակն էր ստեղծել մի տարածք, որտեղ մասնակիցները կարող էին ավելի լավ ճանաչել իրենց, կիսվել իրենց պատմություններով ու փորձառություններով, լսել միմյանց և ձևավորել փոխաջակցության նոր կապեր։

Ճամբարին մասնակցեցին 21 ԼԳԲՏ+ անձինք Հայաստանի տարբեր մարզերից և համայնքներից:

Այս ընթացքում մասնակիցների մոտ ձևավորվեց վստահության և ընդունման վրա հիմնված միջավայր, որտեղ բոլորը բաց ու անկեղծ զրույցների միջոցով կիսվեցին իրենց կյանքի պատմություններով, մտահոգություններով և ձեռքբերումներով։

Ճամբարի ընթացքում անցկացվեցին քննարկումներ՝ նվիրված քվիր ինքնությանը, ինքնարժևորմանը, անձնական փորձառություններին և փոխաջակցությանը։

Օրակարգում ներառված էին նաև ինքնաճանաչման վարժություններ, խմբային աշխատանքներ, փորձի փոխանակում և համատեղ հանգիստ, որոնք նպաստեցին նոր կապերի ձևավորմանը և համայնքի ներսում փոխադարձ աջակցության ամրապնդմանը։

Հպարտության ճամբարը շարունակում է լինել համայնքի համար անվտանգ և ներառական տարածք՝ միմյանց ճանաչելու, կապեր ստեղծելու և միասին հզորանալու համար։

«Ես եմ» խորագիրը ևս մեկ անգամ ընդգծեց, որ սեփական ինքնությունը ճանաչելն ու արժևորելը կարևոր քայլ է ինքներս մեզ ավելի լավ հասկանալու, ընդունելու և համայնքի հետ ավելի ամուր կապեր կառուցելու ճանապարհին։

The post Հպարտության ճամբար 6. «Ես եմ» appeared first on Pink Armenia.

]]> Լրամփոփ | հունիս 2026 https://pinkarmenia.org/news-events/%d5%ac%d6%80%d5%a1%d5%b4%d6%83%d5%b8%d6%83-%d5%b0%d5%b8%d6%82%d5%b6%d5%ab%d5%bd-2026/?utm_source=rss&utm_medium=rss&utm_campaign=%25d5%25ac%25d6%2580%25d5%25a1%25d5%25b4%25d6%2583%25d5%25b8%25d6%2583-%25d5%25b0%25d5%25b8%25d6%2582%25d5%25b6%25d5%25ab%25d5%25bd-2026 Tue, 30 Jun 2026 17:52:35 +0000 https://pinkarmenia.org/?post_type=news_events&p=7944 Եռօրյա հանդիպում Հայաստան նոր եկած ԼԳԲՏ+ անձանց համար Հունիսի 12-14-ը տեղի ունեցավ եռօրյա հանդիպում Հայաստան նոր եկած ԼԳԲՏ+ անձանց համար, որի նպատակն էր մասնակիցներին տրամադրել գործնական տեղեկատվություն, աջակցություն և անհրաժեշտ հմտություններ՝ Հայաստանում իրենց նոր կյանքը կազմակերպելու և տարբեր համակարգերում ավելի վստահ կողմնորոշվելու համար։ Հանդիպմանը ներկա էր ԼԳԲՏ+ համայնքից 16 մասնակից՝ տարբեր երկրներից, այդ թվում՝ Իրանից, Հնդկաստանից, Նիգերիայից, Ալժիրից, […]

The post Լրամփոփ | հունիս 2026 appeared first on Pink Armenia.

]]>

Եռօրյա հանդիպում Հայաստան նոր եկած ԼԳԲՏ+ անձանց համար

Հունիսի 12-14-ը տեղի ունեցավ եռօրյա հանդիպում Հայաստան նոր եկած ԼԳԲՏ+ անձանց համար, որի նպատակն էր մասնակիցներին տրամադրել գործնական տեղեկատվություն, աջակցություն և անհրաժեշտ հմտություններ՝ Հայաստանում իրենց նոր կյանքը կազմակերպելու և տարբեր համակարգերում ավելի վստահ կողմնորոշվելու համար։

Հանդիպմանը ներկա էր ԼԳԲՏ+ համայնքից 16 մասնակից՝ տարբեր երկրներից, այդ թվում՝ Իրանից, Հնդկաստանից, Նիգերիայից, Ալժիրից, Ռուսաստանից և այլ երկրներից։

Ծրագրի ընթացքում մասնակիցները հնարավորություն ունեցան ոչ միայն ստանալ օգտակար տեղեկություններ, այլև կիսվել սեփական փորձով, բարձրաձայնել իրենց մտահոգությունները և քննարկել Հայաստանում ապրելու ընթացքում հանդիպող դժվարությունների մասին։

Փինքի թիմը ընտրություններին որպես՝ դիտորդ

Ընտրությունների ընթացքում մեր թիմի անդամներից՝ Սեդան, Էդգարը, Կարինեն և Արան ներգրավված էին որպես դիտորդներ, փաստաբաններ և իրավաբաններ՝ աջակցելով ընտրական գործընթացի մոնիթորինգին և արձագանքելով հնարավոր խնդիրներին:

Փինքը շարունակելու է նպաստել մարդու իրավունքների և ժողովրդավարական արժեքների ամրապնդմանը Հայաստանում:

Ես լռում եմ, որովհետև…

«Ես լռում եմ, որովհետև…» արշավի շրջանակներում Փինքի յութուբյան ալիքում հրապարակվեց 6 տեսանյութեր, որտեղ ԼԳԲՏ+ մարդիկ կիսվեցին իրենց պատմություններով՝ խոսելով լռության պատճառների, դրա հետևանքների և այն դժվարությունների մասին, որոնց նրանք բախվում են առօրյա կյանքում։

Հպարտության ամսվա միջոցառումներ

Մեր ներկայացուցիչները ներկա են եղել Քիշինևում և Լյուբլյանայում անցկացվող փրայդ միջոցառումներին՝ կիսելով փորձը, ոգեշնչվելով միջազգային համայնքներից և ներկայացնելով Հայաստանի ԼԳԲՏ+ համայնքը։

Շքերթներից բացի, նրանք մասնակցել են նաև տարբեր համաժողովների, հանդիպումների և քննարկումների՝ նպաստելով հայաստանյան ԼԳԲՏ+ համայնքի ու ակտիվիստների կապերի ամրապնդմանը միջազգային գործընկերների հետ և խթանելով հետագա համագործակցությունները։

Հպարտության Ճամբար 2026

Հունիսի 26-28-ը տեղի ունեցավ Հպարտության ամսվա ամենամյա ամփոփիչ միջոցառումը՝ 6-րդ Հպարտության ճամբարը, որն այս տարի անցկացվեց «Ես եմ» խորագրի ներքո։ Ճամբարը միավորեց Հայաստանի տարբեր համայնքներից 21 ԼԳԲՏ+ մասնակցի՝ ապահովելով անվտանգ և ներառական միջավայր, որը նպաստեց ինքնաճանաչման, ինքնության արժևորման, փորձառությունների փոխանակման և համայնքային կապերի ամրապնդմանը։

Ծրագրի շրջանակում իրականացվեցին քննարկումներ, ինքնաճանաչմանն ուղղված գործնական վարժություններ, խմբային աշխատանքներ և փորձի փոխանակման ձևաչափեր, որոնք նպաստեցին փոխադարձ վստահության, համերաշխության և փոխաջակցության մշակույթի զարգացմանը։ «Ես եմ» խորագիրն ընդգծեց սեփական ինքնության ճանաչման և ընդունման կարևորությունը՝ որպես անհատական զարգացման, համայնքային համախմբման և հզորացման հիմնարար նախապայման։

ԼԳԲՏ+ անձանց ծնող դառնալու մասին հետազոտություն

«Փինք» իրավապաշտպան ՀԿ-ն իրականացնում է հետազոտություն Հայաստանում ԼԳԲՏ+ անձանց ծնող դառնալու փորձառության և մարտահրավերների վերաբերյալ:

Հետազոտության նպատակն է ուսումնասիրել Հայաստանում ԼԳԲՏ+ անձանց, այդ թվում՝ զույգերի երեխա ունենալու հնարավորությունները:

Հարցումն ամբողջությամբ անանուն է։

ՀԱՐՑԱՇԱՐ

The post Լրամփոփ | հունիս 2026 appeared first on Pink Armenia.

]]> Եռօրյա հանդիպում Հայաստան նոր եկած ԼԳԲՏ+ անձանց համար https://pinkarmenia.org/news-events/newcomers-event/?utm_source=rss&utm_medium=rss&utm_campaign=newcomers-event Wed, 17 Jun 2026 08:11:47 +0000 https://pinkarmenia.org/?post_type=news_events&p=7875 Հունիսի 12-14-ը տեղի ունեցավ եռօրյա հանդիպում Հայաստան նոր եկած ԼԳԲՏ+ անձանց համար, որի նպատակն էր մասնակիցներին տրամադրել գործնական տեղեկատվություն, աջակցություն և անհրաժեշտ հմտություններ՝ Հայաստանում իրենց նոր կյանքը կազմակերպելու և տարբեր համակարգերում ավելի վստահ կողմնորոշվելու համար։ Հանդիպմանը ներկա էր ԼԳԲՏ+ համայնքից 16 մասնակից՝ տարբեր երկրներից, այդ թվում՝ Իրանից, Հնդկաստանից, Նիգերիայից, Ալժիրից, Ռուսաստանից և այլ երկրներից։ Ծրագրի […]

The post Եռօրյա հանդիպում Հայաստան նոր եկած ԼԳԲՏ+ անձանց համար appeared first on Pink Armenia.

]]>

Հունիսի 12-14-ը տեղի ունեցավ եռօրյա հանդիպում Հայաստան նոր եկած ԼԳԲՏ+ անձանց համար, որի նպատակն էր մասնակիցներին տրամադրել գործնական տեղեկատվություն, աջակցություն և անհրաժեշտ հմտություններ՝ Հայաստանում իրենց նոր կյանքը կազմակերպելու և տարբեր համակարգերում ավելի վստահ կողմնորոշվելու համար։

Հանդիպմանը ներկա էր ԼԳԲՏ+ համայնքից 16 մասնակից՝ տարբեր երկրներից, այդ թվում՝ Իրանից, Հնդկաստանից, Նիգերիայից, Ալժիրից, Ռուսաստանից և այլ երկրներից։

Ծրագրի ընթացքում մասնակիցները հնարավորություն ունեցան ոչ միայն ստանալ օգտակար տեղեկություններ, այլև կիսվել սեփական փորձով, բարձրաձայնել իրենց մտահոգությունները և քննարկել Հայաստանում ապրելու ընթացքում հանդիպող դժվարությունների մասին։

Աշխատանքի և բնակարանի որոնում

Ծրագրի կարևոր թեմաներից էին աշխատանքի և բնակարանի որոնման գործընթացները։

Մասնակիցների հետ քննարկվեցին աշխատանքի որոնման տարբեր եղանակներ, Հայաստանում առավել հաճախ օգտագործվող կայքերն ու հարթակները, ինչպես նաև գործատուների հետ շփման առանձնահատկությունները։

Անդրադարձ կատարվեց նաև ինքնաներկայացման հմտություններին, աշխատանքի դիմելու գործընթացին և հարցազրույցների ընթացքում կարևոր նկատառումներին։

Քննարկվեց, թե ինչ տեղեկություններ է նպատակահարմար ներկայացնել գործատուին, ինչպես պատրաստվել հարցազրույցի և ինչպիսի դժվարությունների կարող են բախվել օտարերկրյա քաղաքացիները աշխատանք փնտրելիս։

Բնակարանի որոնման թեմայի շրջանակում մասնակիցները ծանոթացան բնակարանների որոնման հիմնական հարթակներին, վարձակալության ընթացքում տարածված խնդիրներին և այն քայլերին, որոնք կարող են օգնել խուսափել խաբեություններից կամ այլ ռիսկերից։

Իրավական կարգավորումներ և իրավունքներ

Հանդիպման ընթացքում մասնակիցներին ներկայացվեցին Հայաստանում օտարերկրյա քաղաքացիների աշխատանքի և կեցության հետ կապված իրավական կարգավորումները։

Քննարկվեցին օրինական աշխատանքի համար անհրաժեշտ փաստաթղթերը, աշխատանքի թույլտվության և բնակության կարգավիճակի հետ կապված հարցերը, ինչպես նաև տարբեր երկրների քաղաքացիների համար առկա հնարավոր խոչընդոտները։

Մասնակիցները հնարավորություն ունեցան ծանոթանալու նաև Հայաստանում գործող իրավական մեխանիզմներին և այն կառույցներին, որոնց կարող են դիմել իրենց իրավունքների պաշտպանության համար։

Առանձին քննարկում ծավալվեց խտրականության դեպքերի շուրջ, անդրադարձ կատարվեց տարբեր իրավիճակների և դրանց արձագանք տալու հնարավոր տարբերակներին։

Թվային և ֆիզիկական անվտանգություն

Ծրագրի մեկ այլ կարևոր հատված նվիրված էր թվային և ֆիզիկական անվտանգության հարցերին։

Մասնակիցները քննարկեցին անձնական տվյալների պաշտպանության, սոցիալական ցանցերից անվտանգ օգտվելու և առցանց հաղորդակցության ընթացքում հնարավոր ռիսկերի նվազեցման մեթոդները։

Հատուկ ուշադրություն դարձվեց նաև ծանոթության հավելվածների և կայքերի օգտագործման անվտանգության կանոններին։

Քննարկվեցին ինչպես առցանց, այնպես էլ իրական կյանքում հանդիպումների ընթացքում անվտանգության պահպանման կարևոր սկզբունքները, անձնական սահմանների պաշտպանությունը և հնարավոր վտանգավոր իրավիճակների կանխարգելման միջոցները։

Ֆիզիկական անվտանգության թեմայի շրջանակում մասնակիցները խոսեցին նաև հանրային տարածքներում անվտանգ տեղաշարժվելու, ռիսկային իրավիճակները գնահատելու և անհրաժեշտության դեպքում աջակցություն ստանալու հնարավորությունների մասին։

Եռօրյա հանդիպումը մասնակիցների համար դարձավ կարևոր հնարավորություն՝ ձեռք բերելու նոր գիտելիքներ, ստանալու իրենց հուզող հարցերի պատասխանները և ծանոթանալու այլ մարդկանց հետ, ովքեր նույնպես գտնվում են Հայաստանում՝ հարմարվելու և նոր կյանք սկսելու գործընթացում։

The post Եռօրյա հանդիպում Հայաստան նոր եկած ԼԳԲՏ+ անձանց համար appeared first on Pink Armenia.

]]> Լրամփոփ | մայիս 2026 https://pinkarmenia.org/news-events/26recap5/?utm_source=rss&utm_medium=rss&utm_campaign=26recap5 Sat, 30 May 2026 10:11:05 +0000 https://pinkarmenia.org/?post_type=news_events&p=7791 11-րդ Ծիածան ֆորում. Համակերպո՞ւմ, թե պայքար Մայիսի 15-16-ը տեղի ունեցավ 11-րդ Ծիածան ֆորումը: Ֆորումը համախմբեց ԼԳԲՏ+ անձանց, համախոհներին և գործընկերներին՝ քննարկելու մարդու իրավունքների, համայնքային դիմակայունության, անվտանգության, հոգեկան առողջության և Հայաստանում ԼԳԲՏ+ մարդկանց առջև ծագած մարտահրավերների շուրջ հարցեր։ Երկօրյա հանդիպումը նպաստեց նոր կապերի ստեղծմանը, փորձի փոխանակմանն ու համայնքային համերաշխության ամրապնդմանը։ Հայաստանում ԼԳԲՏ+ անձանց մարդու իրավունքների տարեկան զեկույց […]

The post Լրամփոփ | մայիս 2026 appeared first on Pink Armenia.

]]>

11-րդ Ծիածան ֆորում. Համակերպո՞ւմ, թե պայքար

Մայիսի 15-16-ը տեղի ունեցավ 11-րդ Ծիածան ֆորումը:

Ֆորումը համախմբեց ԼԳԲՏ+ անձանց, համախոհներին և գործընկերներին՝ քննարկելու մարդու իրավունքների, համայնքային դիմակայունության, անվտանգության, հոգեկան առողջության և Հայաստանում ԼԳԲՏ+ մարդկանց առջև ծագած մարտահրավերների շուրջ հարցեր։

Երկօրյա հանդիպումը նպաստեց նոր կապերի ստեղծմանը, փորձի փոխանակմանն ու համայնքային համերաշխության ամրապնդմանը։

Հայաստանում ԼԳԲՏ+ անձանց մարդու իրավունքների տարեկան զեկույց

«Փինք» իրավապաշտպան հասարակական կազմակերպությունը հրապարակեց իր ամենամյա զեկույցը՝ նվիրված Հայաստանում ԼԳԲՏ+ անձանց մարդու իրավունքների վիճակին։ 2025 թվականի ընթացքում կազմակերպության սոցիալական աշխատողներն ու իրավաբանները ստացել են 402 դիմում, որոնցից առանձնացվել և մանրամասն փաստագրվել են 56 իրավախախտման դեպքեր՝ բոլորն էլ զուգորդված սեռական կողմնորոշման կամ գենդերային ինքնության հիմքով խտրականությամբ։

Տարեկան զեկույցը հանրությանը հասանելի դարձավ 11-րդ ծիածան ֆորումի ժամանակ:

Նախընտրական կեղծիքներ և ԱԲ տեսանյութեր ԼԳԲՏ համայնքի անունից. Ամփոփ Մեդիայի հրապարակումը

Ամփոփ Մեդիան հրապարակվեց հայկական քվիր միություն անվանումով կեղծ գործունեության վերաբերյալ փաստերի ստուգումը, որի միջոցով բացահայտվեցին հանրությանն ապակողմնորոշող և ԼԳԲՏ+ անձանց նկատմամբ թշնամանք սերմանող մի շարք կեղծ պնդումներ։

Նախաձեռնությունն ընդգծեց փաստահեն տեղեկատվության, մեդիագրագիտության և պատասխանատու հանրային խոսույթի կարևորությունը՝ որպես մարդու իրավունքների պաշտպանության կարևոր բաղադրիչներ։

Փինք իրավապաշտպան ՀԿ-ն օգտագործվում է ապատեղեկատվական և մանիպուլյատիվ արշավների շրջանակում

Fip.am փաստերի ստուգման հարթակի ուսումնասիրության համաձայն՝ սոցիալական ցանցերում տարածվել են կեղծ էջեր, կեղծ նամակներ և չհաստատված տեղեկություններ՝ հասարակության մեջ վախ, խուճապ և բևեռացում առաջացնելու նպատակով։

Հոդվածը եզրակացնում է, որ ԼԳԲՏ թեման հաճախ վերածվում է քաղաքական ազդեցության ու հակաքարոզչության գործիքի, իսկ իրավապաշտպան կազմակերպությունները դառնում են թիրախավորված տեղեկատվական հարձակումների զոհ։

Պահանջներ քաղաքական կուսակցություններին՝ խորհրդարանական ընտրություններին ընդառաջ

15 հասարակական կազմակերպություններ կոչ են անում ընտրություններին մասնակցող քաղաքական ուժերին խորհրդարան անցնելու դեպքում ստանձնել հստակ պարտավորություններ կանանց իրավունքների պաշտպանության և գենդերային հավասարության ապահովման ուղղությամբ՝ առաջարկելով 15 հրատապ քայլ աշխատանքային, վերարտադրողական, սոցիալական և արդարադատության ոլորտներում։

Առաջարկները ներառում են գենդերային խտրականության ու բռնության դեմ պայքարի մեխանիզմների ուժեղացում, սեռական կրթության ներդրում, կանանց տնտեսական և սոցիալական աջակցության ընդլայնում, ինչպես նաև բռնության ենթարկված անձանց պաշտպանության և արդարադատության հասանելիության բարելավում։

The post Լրամփոփ | մայիս 2026 appeared first on Pink Armenia.

]]> ԼԳԲՏ+ անձանց նկատմամբ ատելությունը՝ որպես ծանրացնող հանգամանք․ Նախադեպային որոշում https://pinkarmenia.org/news-events/precedential-judgement-pinkarmenia/?utm_source=rss&utm_medium=rss&utm_campaign=precedential-judgement-pinkarmenia Thu, 21 May 2026 07:32:48 +0000 https://pinkarmenia.org/news-events/precedential-judgement-pinkarmenia/ 2024 թվականի փետրվարի 3-ին  մի խումբ մարդիկ նախապես պայմանավորվել և միասին հարձակվել են մեկ անձի վրա՝ դանակով կամ այլ սուր առարկայով միջին ծանրության վնասվածք հասցնելով նրան։ Հարձակման պատճառը եղել է տուժողի նկատմամբ ատելությունը՝ կապված նրա սեռական կողմնորոշման հետ։  Սույն գործը կազմակերպության կողմից տասնյակ տարիներ շարունակ արձանագրված նմանատիպ դեպքերից առաջինն է, որի շրջանակներում իրավապահ մարմինները հանցագործության որակման և […]

The post ԼԳԲՏ+ անձանց նկատմամբ ատելությունը՝ որպես ծանրացնող հանգամանք․ Նախադեպային որոշում appeared first on Pink Armenia.

]]>

2024 թվականի փետրվարի 3-ին  մի խումբ մարդիկ նախապես պայմանավորվել և միասին հարձակվել են մեկ անձի վրա՝ դանակով կամ այլ սուր առարկայով միջին ծանրության վնասվածք հասցնելով նրան։ Հարձակման պատճառը եղել է տուժողի նկատմամբ ատելությունը՝ կապված նրա սեռական կողմնորոշման հետ։ 

Սույն գործը կազմակերպության կողմից տասնյակ տարիներ շարունակ արձանագրված նմանատիպ դեպքերից առաջինն է, որի շրջանակներում իրավապահ մարմինները հանցագործության որակման և գործի քննության ընթացքում հաշվի են առել ատելության շարժառիթը՝ այն ուղղակիորեն կապելով տուժողի սեռական կողմնորոշման հետ։ Հատկանշական է նաև, որ գործի նկատմամբ ցուցաբերված արձագանքը որոշակիորեն պայմանավորված է եղել այն հանգամանքով, որ տուժողը հանդիսացել է ԱՄՆ քաղաքացի։ 

Քրեական վարույթի ընթացքում քննչական մարմինը մեղադրանքի հիմքում դրել է այն փաստը, որ հանցագործությունը կատարվել է նույնասեռական անձի նկատմամբ անհանդուրժողականության և ատելության շարժառիթով։ Դատախազը հաստատել է մեղադրական եզրակացությունը, և գործն ուղարկվել է Երևան քաղաքի առաջին ատյանի ընդհանուր իրավասության քրեական դատարան։ 

Դատարանը, հետազոտելով և գնահատելով ներկայացված ապացույցները, հաստատված է համարել մեղադրանքը (ՀՀ քրեական օրենսգրքի 167-րդ հոդվածի 2-րդ մասի 7-րդ և 15-րդ կետերով) և կայացրել է մեղադրական վերդիկտ։

2026 թվականի ապրիլի 23-ին դատարանը մեղադրյալներին ճանաչել է մեղավոր և դատապարտել 2 տարի 6 ամիս ժամկետով ազատազրկման։ 

Միաժամանակ, անհրաժեշտ է ընդգծել, որ այս գործը մնում է նախադեպ այն պայմաններում, երբ ԼԳԲՏ+ անձանց նկատմամբ բռնության և ատելության հիմքով կատարված տասնյակ այլ դեպքեր պատշաճ քննության չեն ենթարկվում, իսկ ատելության շարժառիթը հաճախ անտեսվում է իրավապահ մարմինների կողմից։ ԼԳԲՏ+ անձանց շրջանում իրավապահ համակարգի նկատմամբ անվստահությունը շարունակում է մնալ լուրջ և մտահոգիչ խնդիր, ինչը պայմանավորված է ինչպես անարդյունավետ քննություններով, այնպես էլ երկար տարիներ ձևավորված անպատժելիության խորապես արմատավորված մթնոլորտով։ 

The post ԼԳԲՏ+ անձանց նկատմամբ ատելությունը՝ որպես ծանրացնող հանգամանք․ Նախադեպային որոշում appeared first on Pink Armenia.

]]>