Կոնֆերանս կազմակերպելու մրցույթ

21-01-2025

Փինք իրավապաշտպան ՀԿ-ն փնտրում է կոնֆերանս տարածք տրամադրողի՝ կազմակերպելու երկօրյա միջոցառում՝ սույն թվականի հունիսի 20ին և 21-ին։  

Մատուցվող ծառայության փաթեթը պետք է ներառի ՝ 

  • Տրամադրել երկու օրերի համար մեկ հանդիպումների սրահ (սրահում լինի պրոյեկտոր կամ էկրան, նոթատետր, ջուր, անհրաժեշտության դեպքում՝ բարձրախոս և խոսափող) 80 անձի համար, ևս երկու հանդիպումների սրահ (սրահում լինի պրոյեկտոր կամ էկրան, նոթատետր, ջուր, անհրաժեշտության դեպքում՝ բարձրախոս և խոսափող) 30 անձի համար: Պարտադիր պայման է, որ սրահները լինեն իրար մոտ, ցանկալի է նույն հարկում, ընդ որում՝ կարող ենք վարձակալել ամբողջ հարկը, եթե սրահների քանակը չի գերազանցում 5-ը։ 
  • Երկու օրերին տրամադրել սուրճի ընդմիջում օրը երկու անգամ 70 անձի համար։ 
  • Հունիսի 20-ին և 21-ին տրամադրել ճաշի ընդմիջում` 70 անձի համար։  

Առաջարկ ներկայացնելու համար անհրաժեշտ է մինչև 2025 թ․ փետրվարի 17-ը ուղարկել՝ գնային առաջարկը և ծառայությունների փաթեթի նկարագրությունը [email protected] հասցեով։ Խնդրում ենք գնային առաջարկը ներկայացնել կից ներկայացվող ձևաչափով։ 

Ընտրությունը կկատարվի հետևյալ չափանիշներով․ 

  • Ներկայացվող գնառաջարկը համապատասխանում է պահանջվող առաջադրանքին, 
  • Համապատասխան ծառայություններ մատուցելու փորձը, 
  • Ֆինանսական լավագույն և ծախսարդյունավետ գնառաջարկ։ 

Կազմակերպության համար կարևոր են ծառայություն մատուցողների հակախտրական մոտեցումները։  

Հաղթող մասնակցի հետ պայմանագիրը կարգավորվելու է Հայաստանի օրենսդրությանը համապատասխան։