Արշավների իրականացման դրամաշնորհ
Հայտարարում ենք հանրային արշավի իրականացման փոքր դրամաշնորհների մրցույթ։ Ընդունվում են հանրային արշավների ծրագրային առաջարկներ՝ 2025 թվականի հոկտեմբերին ԼԳԲՏ+ պատմության ամսվա շրջանակներում հանրային արշավներ իրականացնելու համար, և առավելագույնը 800.000 ՀՀ դրամ բյուջեի սահմաններում։
Դրամաշնորհին կարող են դիմել այն անհատները, խմբերը կամ կազմակերպությունները, որոնց հանրային արշավի գաղափարները կապված են ԼԳԲՏ+ անձանց կամ առնչվող ոլորտների հետ։
Հանրային արշավը պետք է իրականացվի ԼԳԲՏ+ պատմության ամսվա շրջանակներում և ներառի հետևյալ ուղղություններից մեկը կամ մի քանիսը՝
- Հայաստանում ԼԳԲՏ+ շարժման պատմության փաստագրում կամ նշանավորում
- ԼԳԲՏ+ անձանց տեսանելիության բարձրացում և ներկայացվածություն
- ԼԳԲՏ+ շարժման նշանակալի օրերի իրազեկում
- Արվեստի, սթորիթելինգի կամ առցանց հարթակների միջոցով քվիր պատմության արխիվացում, ներկայացում և տարածում
- ԼԳԲՏ+ շարժման մեջ աջակիցների սոլիդարության և համագործակցության ներկայացում
- Անցյալի դասերի և ապագայի ռազմավարությունների կառուցում
Նշված ուղղություններից տարբերվող հանրային արշավի գաղափարները կդիտարկվեն և կքննարկվեն, եթե դիմորդը ներկայացնի առաջարկվող գաղափարի իրականացման հրատապությունը, կարևորությունը և նպատակայնությունը։ Հանրային արշավի այն առաջարկները, որոնք չեն առնչվում սահմանված ուղղություններին չեն դիտարկվի։
Հանրային արշավի առաջարկները կդիտարկվեն ու կգնահատվեն ըստ դուրս բերված կարիքի առաջնահերթության, խնդիրների և նպատակների, պլանավորված գործողությունների ու ակնկալվող արդյունքների համապատասխանելիության և իրականացման իրատեսականության։
Մրցույթին դիմելու վերջնաժամկետն է սեպտեմբերի 6-ը։ Արդյունքների մասին կտեղեկացնենք մինչ սեպտեմբերի 9-ը։ Մրցույթին դիմելու համար անհրաժեշտ է լրացնել հայտը, ուղարկել [email protected] հասցեով։ Հանրային արշավի իրականացման ժամկետը պետք է լինի 2025 թ․ հոկտեմբերի 1-ից մինչ հոկտեմբերի 31-ն ընկած ժամանակահատվածում։
Հավելյալ տեղեկության համար կարող եք գրել [email protected] հասցեին կամ զանգահարել +374 60 377277 համարով երկուշաբթիից ուրբաթ 10։00-18։00 (բացի օգոստոսի 18-29):
Այլ նորություններ
Նորությունների բաժին
